UPSC परीक्षेत प्रज्वल नासरे यशस्वी; खासदार अमर काळे यांच्याकडून अभिनंदन
UPSC परीक्षेत प्रज्वल नासरे यशस्वी; खासदार अमर काळे यांच्याकडून अभिनंदन
ठाणेगाव, ता. कारंजा (घा.), जि. वर्धा | प्रतिनिधी : युसूफ पठाण
संघ लोकसेवा आयोगाच्या (UPSC) परीक्षेत कारंजा (घा.) तालुक्यातील ठाणेगाव येथील प्रज्वल नासरे यांनी उल्लेखनीय यश संपादन करत भारतीय महसूल सेवेत (IRS) स्थान मिळवले आहे. त्यांच्या या यशामुळे परिसरात आनंदाचे वातावरण निर्माण झाले आहे.
या यशानंतर खासदार अमर काळे यांनी दिल्ली येथे प्रज्वल नासरे यांची भेट घेऊन त्यांचे मनःपूर्वक अभिनंदन केले. तसेच त्यांच्या पुढील वाटचालीसाठी शुभेच्छा देत समाजासाठी प्रामाणिकपणे व समर्पित भावनेने काम करण्याचा संदेश दिला.
प्रज्वल नासरे यांच्या या यशामुळे कारंजा (घा.) तालुक्याचे नाव उज्ज्वल झाले असून परिसरातून त्यांच्यावर अभिनंदनाचा वर्षाव होत आहे.
